விருச்சிக ராசி சனிப் பெயர்ச்சி பலன்கள் 2020 - சகாய சனி எப்படிப்பட்ட பலன்களைத் தரும்? | Viruchiga Rasi Sani Peyarchi Palangl 2020 to 2023 | Sani Peyarchi Palangal 2020

விருச்சிக ராசி சனிப் பெயர்ச்சி பலன்கள் 2020 - சகாய சனி எப்படிப்பட்ட பலன்களைத் தரும்?

சனியின் பார்வை பலன் :

வாக்கிய பஞ்சாங்கத்தின்படி சனிப்பெயர்ச்சி 2020 டிசம்பர் 27ம் தேதி (மார்கழி 12) நிகழ உள்ளது. இந்த நிகழ்வின் போது சனி பகவான் தனுசு ராசியில் உள்ள உத்திராடம் 1ம் பாதத்திலிருந்து, மகர ராசியில் உள்ள உத்திராடம் நட்சத்திரம் 2ம் பாதத்திற்கு பெயர்ச்சி ஆக உள்ளார்.

இந்த பெயர்ச்சியின் போது விருச்சிக ராசிக்கு 3ம் இடமான தைரிய வீரிய ஸ்தானத்தில் சகாய சனியாக அமர்ந்து பலன் தர உள்ளார். கடந்த ஏழரை ஆண்டுகளாக நடந்து வந்த ஏழரை சனி பலன்கள் முடிந்து சிறப்பான பலன்களை விருச்சிக ராசியினர் பெற உள்ளனர்.

இதுவரை ராசிக்கு 2ம் இடமான தன, குடும்ப ஸ்தானத்தில் இருந்த சனி தற்போது 3ம் இடமான பூர்வ புண்ணிய ஸ்தானத்திற்கு பெயர்ச்சி ஆக உள்ளார்.

சனியின் பார்வை பலன் :

சனி பகவான் 3, 7, 10ம் பார்வையால் பலன்களைத் தருவார். 3ம் பார்வையால் ராசிக்கு பஞ்சம பூரவ புண்ணிய ஸ்தானத்தையும், 7ம் பார்வையால் பாக்கிய ஸ்தானம், 10ம் பரவையால் அயன, சயன ஸ்தானத்தைப் பார்க்கிறார்.

குடும்பம்

உடல் ஆரோக்கியம் மேம்படும். குடும்பத்தில் திருமணம் மற்றும் குழந்தை பாக்கியம் மூலம் புதிய வரவு வரக்கூடும். குடும்பத்திலும், பணியிடத்திலும் உங்களுக்கு ஆதரவான சூழல் இருக்கும். உங்கள் மனக்குழப்பத்தைத் தீர்த்துக் கொள்ள உங்கள் மனக்குறையை உங்களின் அன்பிற்க்கினியவரிடம் பகிர்ந்து தெளிவு பெறுங்கள்.

மற்றவர்களுக்கு ஜாமின் கையெழுத்து போடுவதற்கு முன் சிந்தித்துச் செயல்படவும்..

பொருளாதார நிலை உயரும். அதே போல் தேவையற்ற கடன் வாங்குதலை தவிர்ப்பதால் நெருக்கடியான சூழ்நிலையிலிருந்து விடுபடுவீர்கள்.

உத்தியோகஸ்தர்கள்

உங்களின் முயற்சிக்கு ஏற்ற முன்னேற்றத்தையும், தன வரவையும் பெறலாம். நீங்கள் நினைத்தை இலக்கை அடைவீர்கள். உங்கள் செயல்களில் முன்னேற்ற நிலை இருக்கும். அவ்வப்போது மனக்குழப்பம் ஏற்படக்கூடும். எந்த வகையிலும் உங்களுக்கு பெரிய தடங்கல் அல்லது காரிய தடை ஏற்படாது என்பதால் எதை நினைத்தும் மனதை குழப்பிக் கொள்ள வேண்டாம். அவ்வப்போது பயணங்களால் அலைச்சல்கள் ஏற்படக்கூடும்.

சிலருக்கு இடமாற்றம் உண்டாகும். பணியிடத்தில் இருந்த மறைமுக பிரச்னைகள் நீங்கி உங்களுக்கு சாதமான பலன் கிடைக்கும். சிலருக்கு பதவி உயர்வு, சம்பள உயர்வு கிடைக்கும். பணியிடத்தில் உங்கள் மீதான மதிப்பு மரியாதை அதிகரிக்கும்.

தொழில்

உங்கள் தொழிலில் முன்னேற்றமான சூழல் இருக்கும். வேலையாட்கள் உங்களுக்கு சாதகமாக நடந்து கொள்வார்கள். உற்பத்தி பெருகும் லாபம் அதிகரிக்கும். புதிய வாய்ப்புகள் பெறுவதில் இருந்து வந்த தடங்கலான சூழல் நீங்கி பல வாய்ப்புகளைப் பெறுவீர்கள். தொழில் விருத்திக்கான கடன் கிடைக்கும். தந்தை வழியிலான தொழில் சற்று ஏற்ற இறக்கத்துடன் இருக்கும்.

புதிய மற்றும் பழைய சொத்துக்கள் தொடர்பான விஷயங்களில் கவனமாக சிந்தித்து நடக்கவும். நிலுவையிலுள்ள பணம் வந்து சேரும்.

பெண்கள், மாணவர்களுக்கான பலன்

பெண்கள்

உங்களுக்கான மதிப்பு மரியாதை உயரும். புத்திர பாக்கியம் வேண்டுவோருக்கு கிடைக்கும். ஆரோக்கியத்தில் சற்று கவனமாக இருப்பது அவசியம். வேலைக்கு செல்பவர்களுக்கு முன்னேற்றமான சூழல் இருக்கும். விலை உயர்ந்த பொருட்களை கையாள்வதில் கவனம் தேவை.

அயலாரோடு சேர்ந்து பொதுப்பிரச்னைகளுக்கு தீர்வு காண்பீர்கள். சிக்கன போக்கை கடைப்பிடிப்பீர்கள்.

கல்வி

கல்வியில் நல்ல முன்னேற்றத்தைக் காணக்கூடிய காலம் இது. இதுவரை இருந்து வந்த மந்த நிலை மாறும். கல்வி கேள்விகளில் சிறந்து விளங்குவீர்கள். விளையாட்டில் மகத்தான வெற்றி கிடைக்க வாய்ப்புக்கள் உள்ளன. புதிய நண்களுடன் பழகும் போது அவர்களின் பழக்க வழக்கங்களை அறிந்து கொண்டு பழகுவது நல்லது.